Ang maling paggamit ng teknolohiya ay maaring makaapekto sa buhay ng kahit sinuman, kabilang ang ating mga sarili at ng mga kilala natin. Gayunpaman, sa pamamagitan ng pagtaguyod at pagsasanay ng isang ligtas at responsableng paggamit ng teknolohiya, lahat ay maaring makibahagisa isang Tech Safe Space.
Inclusivity sa Teknolohiya
Sa kabila ng kapansin-pansing pagtaas ng accessibility sa internet sa buong Timog Silangang Asya, nananatili pa rin ang isang matinding digital divide, na humahadlang sa access at mga oportunidad para sa nakararami. Partikular na kapansin-pansin ay ang underrepresentation ng kababaihan, na bumubuo lamang ng 35% ng mga manggagawa sa teknolohiya sa rehiyon.
Dagdag pa rito, ang technology-facilitated gender-based violence ay patuloy na tumataas sa mga nakaraang taon, na nagpapakita ng mahalagang banta sa kaligtasan at kapakanan ng kababaihan sa parehong online at offline. Itinatampok nito ang agarang pangangailangan na pangalagaan at itaguyod ang karapatan ng mga kababaihan sa digital age.
Karapatang Pantao at Kalayaan sa Pagpapahayag
Ang mga banta ng teknolohiya sa karapatang pantao at kalayaan sa pagpapahayag ay malawak. Ang mga pagkakataon ng online censorship, kung saan umiikot ang mga awtoridad ang pag-access sa impormasyon o pinipigilan ang mga boses ng mga tumututol, ay nagpapakita ng pangangailangan na pangalagaan ang kalayaan sa internet at labanan ang censorship at ang pang-aapi sa mga mamamahayag at propesyonal sa media.
Ayon sa Artikulo 19 ng Universal Declaration of Human Rights, “lahat ay may karapatan sa malayang pagpapahayag ng opinyon; kasama sa karapatang ito ay ang kalayaang humawak ng opinyon nang walang panghihimasok at ang karapatan na hanapin, tanggapin, at ipahayag ang impormasyon at ideya sa pamamagitan ng anumang media at anumang hangganan. Kinakailangang gawin ang mga hakbang upang itaguyod ang mga prinsipyo ng karapatang pantao at matiyak na ang bawat indibidwal ay makapagpahayag ng malaya at walang takot sa panahon ng digital.
Disinformation at Misinformation
Ang misinformation ay hindi sinasadyang pagpapakalat ng maling impormasyon. Samantalang ang disinformation naman ay ang sinasadyang pagpapakalat ng mapanlinlang at mapaminsalang impormasyon
Maaring parehong maipalaganap sa iba’t ibang aktor at magdulot ng seryosong mga bunga, kabilang ang:
- Paglabag ng Karapatang Pantao
- Pagkabahala sa mga pampublikong alintuntunin
- At pagpapataas ng tensyon sa panahon ng krisis o alitan
Ang TOC ay gumagamit ng mga social engineering na mga pamamaraan upang pagsamantalahan ang kahinaan ng mga user, manipulahin sila sa pamamagitan ng pagbubunyag ng kanilang personal data o pagbibigay nang walang pahintulot na access upang makakuha ng direktang pera o kompidensyal na impormasyon na maaring magdulot ng patuloy na krimen. Ang mga social media platform ay nagsisilbing karaniwang paraan , bagama’t ang pakikipag-ugnayan ay maaring isagawa sa telepono o personal.
Sinasamantala ng mga organisasyong pang krimen ang pseudo-anonymity na ibinibigay ng blockchain technology sa pamamagitan ng iba’t ibang pamamaraan ng pagkukubli sa mismong pinagmulan ng mga pondo. Kabilang dito ang paggamit ng mga social media platform at iba’t ibang mga serbisyo upang maihalo ang mga tainted coins sa mga lehitimong coins, pati rin ang pamamahala ng maraming wallets nang sabay para itago ang mga koneksyon sa kriminal na mga gawain.
Ang mga organisadong grupo ng krimen ay nagtatag at nagpatupad ng isang sopistikadong plano upang manloko sa mga mamamayan sa buong rehiyon habang ginagamit ang mga biktima ng trafficking upang gumawa ng krimen.
Panoorin itong animated video mula sa Tech Safe Space Campaign na idinisenyo ng UNODC upang itaas ang kamalayan tungkol sa ligtas at responsableng paggamit ng teknolohiya sa Timog Silangang Asya.
#TechSafeSpace