ມັນໄດ້ເລີ່ມຕົ້ນດ້ວຍຂໍ້ຄວາມສັ້ນໆ, “ສະບາຍດີ”. ນາງສິລິນຍາ (ຫົວຫນ້າກົມການເງິນ ຂອງບໍລິສັດຜະລິດແຫ່ງໜຶ່ງ) ໄດ້ແນມເບິ່ງຂໍ້ຄວາມແລະໄດ້ເຫັນຮູບໂປຟາຍຂອງນາຍທະຫານຮູບງາມທີ່ຢູ່ໃນຊຸດເຄື່ອງແບບທະຫານ. ຂໍ້ມູນໃນແພລດຟອມເຄືອຂ່າຍອາຊີບຂຽນໄວ້ວ່າ:‘ທ່ານໝໍ ອາທິດ’. “ເຈົ້າຢູ່ໃສ?” ນາງສິລິນຍາຖາມ.
ນາງໄດ້ຮຽນຮູ້ວ່າ ທ່ານໝໍ ອາທິດ ເປັນທ່ານໝໍ ກອງທັບ ສະຫະລັດ ທີ່ເຮັດວຽກຢູ່ໃນຕ່າງປະເທດ. ລາວມັກຊ່ວຍຜູ້ຄົນ ດັ່ງນັ້ນລາວຈຶ່ງຮັກວຽກຂອງລາວ. ນາງສິລິນຍາ ພົບວ່າ ລາວເບິ່ງແລ້ວເປັນຄົນທີ່ຫນ້າຮັກ ແລະ ໃຈດີ ເຂົາເຈົ້າຈະແຊດລົມກັນເປັນເວລາຫຼາຍຊົ່ວໂມງ. "ຂ້ອຍຢາກໄດ້ຍິນສຽງຂອງເຈົ້າ. ຂ້ອຍໂທຫາເຈົ້າໄດ້ບໍ່?" ນາງໄດ້ຖາມໃນຕອນແລງໆຂອງມື້ຫນຶ່ງ. "ຂໍໂທດ, ກົດລະບຽບຂອງຖານກອງທັບບໍ່ອະນຸຍາດໃຫ້ລົມໂທລະສັບໃດໆສໍາລັບເຫດຜົນດ້ານຄວາມປອດໄພ" ລາວຕອບ. "ແຕ່ຂ້ອຍສາມາດສົ່ງຮູບພາບແລະວິດີໂອໃຫ້ເຈົ້າໄດ້ຖ້າເຈົ້າຕ້ອງການ".
ໃນໄລຍະສອງສາມອາທິດຕໍ່ມາ, ພວກເຂົາເຈົ້າໄດ້ສົ່ງວິດີໂອແລະຮູບພາບໄປມາຫາກັນ.
ສອງສາມເດືອນຕໍ່ມາ, ມັນກໍ່ໄດ້ເກີດຂຶ້ນ. "ຂ້ອຍຄິດວ່າຂ້ອຍຮັກເຈົ້າ". ໃຈຂອງ ສີລິນຍາ ໄດ້ເຕັ້ນກະໂດດ. ເຖິງແມ່ນວ່າ ຕອນນີ້ນາງອາຍຸໄດ້ 50ປີ ແລ້ວ, ແຕ່ລາວໄດ້ເຮັດໃຫ້ນາງຮູ້ສຶກວ່າກັບມາເປັນຍິງໜຸ່ມອີກຄັ້ງ. "ຂ້ອຍກໍ່ຮູ້ສຶກຄືກັນ" ນາງຕອບ. ອີກສອງສາມເດືອນຜ່ານໄປ.
ດຣ ອາທິດ: "ສະບາຍດີທີ່ຮັກ. ພໍ່ຂອງຂ້ອຍໄດ້ເສຍຊີວິດໄປ.” ລາວໄດ້ອະທິບາຍວ່າ ຢາກຈະໂອນມູນມໍຣະດົກຈາກພໍ່ຜູ້ລ່ວງລັບ, ມູນຄ່າ 85 ລ້ານໂດລາ ສະຫະລັດ ໄປໄທ ແລະ ຊື້ເຮືອນທີ່ຫຼູຫຼາ ສຳລັບຕົນເອງ ແລະ ສີລິນຍາ. ດ້ວຍໄລຍະເວລາໃດໜຶ່ງແລະແຜນຕົວະຍົວະເປັນໄປໄດ້ດີ, ນາງໄດ້ຈິນຕະນາການເຖິງບ້ານທີ່ສວຍງາມ. ຈາກນັ້ນ ດຣ ອາທິດ ກໍໄດ້ຮ້ອງຂໍໃຫ້ ສີລິນຍາ ມັດຈຳເງິນກ່ອນ
ເນື່ອງຈາກວ່າລາວມີບັນຫາໃນການໂອນເງິນອອກຈາກບັນຊີທະນາຄານຂອງລາວໃນສະວິດເຊີແລນ. ພ້ອມດຽວກັນນັ້ນ, ລາວຍັງໄດ້ຂໍເງິນເພີ່ມຕື່ມ ເພື່ອຈ່າຍຄ່າໃຊ້ຈ່າຍອື່ນໆ ທີ່ພົວພັນກັບການໂອນມູນມໍຣະດົກອັນໃຫຍ່ຫຼວງ ຂອງລາວ ໄປປະເທດໄທ.
ໃນໄລຍະສາມເດືອນຕໍ່ຫນ້າ,ສີລິນຍາ ໄດ້ໃຊ້ໃບແຈ້ງປອມ ແລະ ບັນຊີປອມ ເພື່ອເຮັດການໂອນເງິນ 251ບັນຊີ ໃຫ້ກັບ 112 ບັນຊີທະນາຄານ ໃນ 17 ປະເທດ. ສີລິນຍາ ໄດ້ມີການໂອນເງິນອອກຈາກບັນຊີນາຍຈ້າງຂອງນາງປະມານສີ່ເດືອນ ຈົນກະທັ້ງບໍລິສັດໄດ້ຄົ້ນພົບການໂອນເງິນທີ່ສໍ້ໂກງ ຕົກເປັນຈຳນວນເງິນ ເກີນ 250 ລ້ານໂດລາສະຫະລັດ.
ນາງຖືກກ່າວຫາ 251ຂໍ້ຫາກ່ຽວກັບຄະດີລັກລອບ ແລະ ຖືກຈໍາຄຸກ 502 ປີ.
ໃຜໆກໍ່ສາມາດຕົກເປັນຜູ້ເຄາະຮ້າຍໄດ້! ເຖິງຢ່າງໃດກໍ່ຕາມ, ດ້ວຍການຮັກສາຫລັກການປະຕິບັດ ແລະ ມີສະຕິເຝົ້າລະວັງສັນຍານອັນຕະລາຍ, ທ່ານກໍ່ສາມາດປ້ອງກັນການໂຈມຕີຕົວະຍົວະຫລອກລວງທາງອອນລາຍໄດ້. ທຸກຄົນສາມາດເຮັດໃນສ່ວນຂອງຕົນເອງທີ່ເຮັດໄດ້! ສຶກສາຮຽນຮູ້ເພີ່ມເຕີມກ່ຽວກັບ ການຕົວະຍົວະຫຼອກລວງຕ່າງໆ, ການຫຼອກລໍ້ອ່ອຍເຍື່ອໃຫ້ຕິດກັບທາງອອນລາຍ, ແລະການລັກຂໍ້ມູນບັດລະບຸຕົວຕົນ ໃນເຂດອາຊີຕາເວັນອອກສຽງໃຕ້ ກະລຸນາຢ້ຽມຢາມທີ່ UNODC website.
ແຫຼ່ງຂໍ້ມູນ:
https://www.abc.net.au/news/2022-07-10/how-thailands-biggest-romance-scam-was-pulled-off/101213930
ອາຕີເປັນຊາວມາເລເຊຍ ໄດ້ກໍາລັງຊົມໃຊ້ອິນເຕີເນັດ ແລະ ຮູ້ສຶກທໍ້ແທ້ໃຈ. ເນື່ອງຈາກການລະບາດຂອງພະຍາດ ແກ່ຍາວມາເປັນເວລາຫຼາຍກວ່າຫນຶ່ງປີນັບຕັ້ງແຕ່ລາວບໍ່ມີວຽກເຮັດງານທໍາ, ພະນັກງານເກັບເງິນຄ່າບິນຕ່າງໆກໍ່ໄດ້ໂທຫາ, ແລະລາວຮູ້ສຶກຫມົດຫວັງ. ແລ້ວລາວກໍເຫັນມັນ. ການໂຄສະນາສໍາລັບວຽກເຕັກໂນໂລຊີທີ່ມີລາຍຮັບສູງໃນປະເທດກໍາປູເຈຍ ທີ່ມີຄ່າຈ້າງປະຈໍາເດືອນເຖິງ 3,300 ໂດລາສະຫະລັດຕໍ່ເດືອນ. ລາວມີຄຸນສົມບັດຕາມຂໍ້ກໍານົດທັງຫມົດທີ່ລະບຸໄວ້ແລະໂທລະສັບຫາທັນທີ.
ຫຼັງຈາກທີ່ໄດ້ໂອ້ລົມກະກຽມກັນແບບສັ້ນໆ ທາງໂທລະສັບ, ລາວກໍ່ໄດ້ຮັບຄໍາແນະນໍາກ່ຽວກັບວິທີການຍ້າຍໄປຢູ່ປະເທດກຳປູເຈຍ. ເຖິງຢ່າງໃດກໍ່ຕາມ, ຄໍາແນະນໍາທີ່ຈະເຂົ້າໄປໃນກໍາປູເຈຍແມ່ນແປກຫນ້ອຍຫນຶ່ງ. ແທນທີ່ຈະເປັນຖ້ຽວບິນໂດຍກົງ, ອາຕີ ຕ້ອງໄດ້ເຂົ້າປະເທດໄທຢ່າງຜິດກົດຫມາຍໂດຍ ທາງເຮືອ ແລະຂ້າມຊາຍແດນເຂົ້າໄປໃນກໍາປູເຈຍຢ່າງ ຜິດກົດຫມາຍໂດຍຍານພາຫະນະ. ແຕ່ ອາຕີ ຮູ້ສຶກວ່າລາວບໍ່ມີທາງເລືອກອື່ນ. ລາວຈຳເປັນຕ້ອງໄປ!
ເມື່ອໄປຮອດສະຖານທີ່ບ່ອນເຮັດວຽກ, ລາວກໍ່ໄດ້ພົບເຫັນສິ່ງອຳນວຍຄວາມສະດວກ ທີ່ຄ້າຍຄືກັບຄາຊີໂນໃຫຍ່ແຫ່ງໜຶ່ງ ທີ່ມີຫ້ອງການຢູ່ຊັ້ນສູງໆຂຶ້ນໄປ, ມີຜູ້ສະມັກວຽກໃຫມ່ຈາກປະເທດ ຫວຽດນາມ, ຟິລິປິນ, ໄທ ແລະ ລາວ. ບໍ່ດົນພວກເຂົາເຈົ້າກໍ່ໄດ້ຮັບການທັກທາຍຈາກພວກຜູ້ຊາຍຮ່າງໃຫຍ່ ທີ່ໃສ່ຊຸດສູດ ຮຽກຮ້ອງຫນັງສືຜ່ານແດນຂອງພວກເຂົາເຈົ້າສໍາລັບເພື່ອກວດຄົນເຂົ້າເມືອງ.
ພວກເຂົາເຈົ້າໄດ້ຖືກພາຂຶ້ນໄປຫາຫ້ອງທີ່ກວ້າງໃຫຍ່ ທີ່ຈັດວາງໄວ້ຄືກັນກັບສູນໂທລະສັບ. ຜູ້ຊາຍທີ່ສວມຫນ້າກາກສາມຄົນພ້ອມດ້ວຍປືນຊອດໄຟຟ້າ ປະກົດຕົວພ້ອມກັບກຸນແຈມືຮ້ອງຂຶ້ນວ່າ "ພວກເຈົ້າແຕ່ລະຄົນໃຫ້ເອົາກັບກຸນແຈມືຫນຶ່ງຊຸດແລະ ລ໊ອກຂາຂອງທ່ານໃສ່ໂຕະໄວ້. ພວກເຈົ້າເລີ່ມເຮັດວຽກໃຫ້ພວກເຮົາເລີຍ!"
ທັງເວັນທັງຄືນພວກເຂົາເຈົ້າໄດ້ເຮັດວຽກໃຊ້ຄອມພິວເຕີເພື່ອສໍ້ໂກງຜູ້ຄົນທີ່ບໍ່ມີຄວາມຜິດ ຖ້າຫາກວ່າພວກເຂົາເຈົ້າເຊົາເຮັດວຽກຫຼືບໍ່ບັນລຸເປົ້າຫມາຍໃດຫນຶ່ງ ພວກເຂົາຈະຖືກຕີ. ອາຕີ ໄດ້ຖືກປືນໄຟຟ້າປະມານສາມເທື່ອຕໍ່ອາທິດຊອດໃນຂະນະທີ່ເຮັດວຽກຢ່າງບໍ່ອິດເມື່ອຍເພື່ອຫລອກລວງຜູ້ຄົນ.
ອາຕີ ໄດ້ຮັບຄວາມທຸກທໍລະມານເກືອບຫນຶ່ງເດືອນ ຈົນກະທັ້ງໄດ້ຫາວິທີທາງຕິດຕໍ່ກັບຝ່າຍບໍລິການແລະຂໍຮ້ອງຮຽນຂອງສະມາຄົມຈີນ ມາເລເຊຍ (MCA) ທີ່ໄດ້ມາຊ່ວຍເຫຼືອຮ່ວມກັບເຈົ້າຫນ້າທີ່ການທູດ ແລະເຈົ້າຫນ້າທີ່ກໍາປູເຈຍ.
ປະຊາຊົນຫຼາຍພັນຄົນໃນພາກພື້ນອາຊີຕາເວັນອອກສຽງໃຕ້ ຫຼາຍຄົນທີ່ມີຄວາມຊໍານານດ້ານເຕັກໂນໂລຊີ ໄດ້ຖືກຫຼອກລວງ ດ້ວຍຫນ້າວຽກທີ່ຄ້າຍຄືກັນໃນພາກພື້ນນີ້ ທີ່ກ່ຽວຂ້ອງກັບ ການສູນເສຍເງິນ, ຂໍ້ມູນສ່ວນຕົວ, ແລະໃນກໍລະນີທີ່ຮ້າຍແຮງທີ່ສຸດຄືການຄ້າມະນຸດ.
ໃຜໆກໍ່ສາມາດຕົກເປັນຜູ້ເຄາະຮ້າຍໄດ້! ເຖິງຢ່າງໃດກໍ່ຕາມ, ດ້ວຍການຮັກສາຫລັກການປະຕິບັດ ແລະ ມີສະຕິເຝົ້າລະວັງສັນຍານອັນຕະລາຍ, ທ່ານສາມາດປ້ອງກັນການໂຈມຕີຕົວະຍົວະຫລອກລວງທາງອອນລາຍໄດ້. ທຸກຄົນສາມາດເຮັດໃນສ່ວນຂອງຕົນເອງທີ່ເຮັດໄດ້! ສຶກສາຮຽນຮູ້ເພີ່ມເຕີມກ່ຽວກັບ ການຕົວະຍົວະຫຼອກລວງຕ່າງໆ, ການຫຼອກລໍ້ອ່ອຍເຍື່ອໃຫ້ຕິດກັບທາງອອນລາຍ, ແລະການລັກຂໍ້ມູນບັດລະບຸຕົວຕົນ ໃນເຂດອາຊີຕາເວັນອອກສຽງໃຕ້ ກະລຸນາຢ້ຽມຢາມທີ່ UNODC website.
ແຫຼ່ງຂໍ້ມູນ:
https://www.eco-business.com/news/cyber-criminals-hold-asian-tech-workers-captive-in-scam-factories/
https://www.channelnewsasia.com/asia/malaysia-overseas-job-scam-victims-cambodia-myanmar-laos-thailand-tortured-2940326
"ຂ້ອຍບໍ່ຢາກເຊື່ອເລີຍ! ຂ້ອຍມີຄວາມຮັກແລະໃນເວລາພຽງສາມອາທິດເທົ່ານັ້ນ!" ນາງ ດີວາ ມີຄວາມປິຕິຍິນດີຫລາຍເມື່ອນາງຄິດວ່ານາງໄດ້ພົບກັບຄູ່ຮັກຂອງນາງ ທ້າວເພັດເປັນນັກອອກແບບພາຍໃນ ອາໄສຢູ່ຕ່າງປະເທດ ພົບກັນຜ່ານສື່ສັງຄົມອອນລາຍ ໃນຊ່ວງເວລາທີ່ເໝາະສົມທີ່ສຸດໃນຊີວິດຂອງນາງ..
"ເວລາພັກ." ນາງໄດ້ກວດເບິ່ງໂທລະສັບຂອງນາງ ແລະໄດ້ຮັບຟັງໂອກາດລົງທຶນທີ່ ທ້າວເພັດໄດ້ແນະນຳ. ລາວວ່າ"ທີ່ຮັກຂອງຂ້ອຍ ມັນບໍ່ແມ່ນເລື່ອງໃຫຍ່ ແຕ່ເຈົ້າສາມາດຫາເງິນເພີ່ມໄດ້." ນາງໄດ້ຕົກລົງ ແລະ ກໍ່ໄດ້ລົງທຶນ.
ມື້ຕໍ່ມາ, ທະນາຄານໄດ້ໂທແຈ້ງໃຫ້ນາງຮູ້ວ່າເງິນນັ້ນຫມົດໄປແລ້ວ. ໃຈຂອງນາງຈົມລົງ ໃນຂະນະທີ່ນາງສົ່ງຂໍ້ຄວາມໄປຫາທ້າວເພັດ. "ຂ້ອຍບໍ່ຮູ້ວ່າຈະເຮັດແນວໃດ. ການຜ່າຕັດຫົວໃຈຂອງຂ້ອຍ ແມ່ນຈະຮອດໃນເວລາພຽງບໍ່ເທົ່າໃດມື້, ແລະຂ້ອຍຫາກໍ່ເສຍເງິນ $30,000 ໂດລາສະຫະລັດ ໃນການຖືກຫຼອກລວງຜ່ານການກູ້ເງິນ!" ຕໍ່ມາເພັດກໍ່ໄດ້ຕອບວ່າ, "ຢ່າກັງວົນ, ຂ້ອຍມີວິທີທາງໃຫ້ເຈົ້າເອົາມັນກັບຄືນມາ. ຂ້ອຍຈະໃຫ້ເຈົ້າ 10,000 ໂດລາສະຫະລັດ ເພື່ອເລີ່ມຕົ້ນກ່ອນ. ຂ້ອຍຈະບິນໄປຢ້ຽມຢາມເຈົ້າໃນມື້ທີ່ເຈົ້າຮັບການຜ່າຕັດແລະດູແລເຈົ້າ. ແຕ່ສໍາລັບຕອນນີ້, ຂ້ອຍພຽງແຕ່ຕ້ອງການຂໍ້ມູນບັນຊີຂອງເຈົ້າແລະເຮັດຕາມຄໍາແນະນໍາຂອງຂ້ອຍ."
ຄໍາແນະນໍາຂອງລາວແມ່ນໃຫ້ນາງດີວາລົງທຶນເຂົ້າໄປໃນ ແພລດຟອມຂອງລາວ. ລາວຈະຊ່ວຍຊື້-ຂາຍຮຸ້ນເພື່ອຫາເງິນໃຫ້ນາງ. ນີ້ແມ່ນງ່າຍດາຍສໍາລັບນາງ, ເພາະເພັດເປັນຄົນເຮັດວຽກທັງຫມົດ.
ບໍ່ດົນນາງກໍ່ໄດ້ເປີດເວັບໄຊ ແລະພົບຜົນກຳໄລ 30,000 ໂດລາສະຫະລັດ. ນາງມີຄວາມຕື່ນເຕັ້ນຫຼາຍແລະຢາກຂາຍຜົນກໍາໄລຂອງນາງ, ເຊິ່ງ ທ້າວເພັດ ໄດ້ຕອບວ່າ, "ຖ້າເຈົ້າເຮັດແບບນັ້ນ, ເຈົ້າຈະທໍາລາຍອະນາຄົດທີ່ຂອງພວກເຮົາ. ແລະຖ້າບໍ່ມີອະນາຄົດກັບເຈົ້າ, ຂ້ອຍກໍ່ຈະຂ້າຕົວຕາຍ!"
ທ້າວເພັດໄດ້ສືບຕໍ່ຊັກຊວນນາງດີວາໃຫ້ລົງທຶນຢູ່ໃນແພລດຟອມ ໂດຍການຊີ້ນໍາໃຫ້ນາງໄປຫາຜູ້ໃຫ້ຢືມເງິນປ່ອຍກູ້ທັງຫຼາຍ, ແນະໃຫ້ຂາຍລົດ, ຢືມຈາກຫມູ່ເພື່ອນແລະຄອບຄົວ, ແລະໃນທີ່ສຸດກໍ່ໃຊ້ເຮືອນຂອງນາງໄປຄ້ຳເງິນກູ້ ຢູ່ປະເທດມາເລເຊຍ.
ໂຊກດີທີ່ ພໍ່ຂອງນາງດີວາໄດ້ເຫັນເລື່ອງນີ້ ແລະ ໄດ້ເຕືອນນາງກ່ຽວກັບການຫລອກລວງຜ່ານການລົງທຶນ ດ້ວຍຫົວຂໍ້ຂ່າວ ກ່ຽວກັບການຫລອກລວງແບບເຊືອດຫມູ, ເຊິ່ງຜູ້ຍິງຄົນຫນຶ່ງໄດ້ສູນເສຍເງິນໄປປະມານ 500,000 ໂດລາສະຫະລັດ. ໃນຂ່າວດັ່ງກ່າວ, ດີວາ ໄດ້ສັງເກດເຫັນຮູບພາບຂອງເພັດ, ຜູ້ຊາຍຄົນດຽວກັນທີ່ນາງໄດ້ພົວພັນກັນເປັນເວລາສີ່ເດືອນທີ່ຜ່ານມາ; ນາງກໍ່ກາຍຜູ້ເຄາະຮ້າຍຈາກການຫລອກລວງຂອງລາວຄືກັນ.
ເນື່ອງຈາກເຫດການດັ່ງກ່າວ, ດີວາຈຶ່ງຕ້ອງປະກາດແຈ້ງການລົ້ມລະລາຍດ້ວຍຫນີ້ສິນທັງຫມົດ 270,000 ໂດລາສະຫະລັດ.
ດ້ວຍການປະຕິບັດແລະສັງເກດສັນຍານອັນຕະລາຍຕ່າງໆ ທ່ານສາມາດປ້ອງກັນການໂຈມຕີຕົວະຍົວະຫລອກລວງທາງອອນລາຍໄດ້. ສຶກສາຮຽນຮູ້ເພີ່ມເຕີມກ່ຽວກັບ ການຕົວະຍົວະຫຼອກລວງຕ່າງໆ, ການຫຼອກລໍ້ອ່ອຍເຍື່ອໃຫ້ຕິດກັບທາງອອນລາຍ, ແລະການລັກຂໍ້ມູນບັດລະບຸຕົວຕົນ ໃນເຂດອາຊີຕາເວັນອອກສຽງໃຕ້ ກະລຸນາຢ້ຽມຢາມທີ່ campaign website.
ແຫຼ່ງຂໍ້ມູນ:
https://www.straitstimes.com/singapore/courts-crime/she-lost-240000-in-pig-butchering-cryptocurrency-scam-after-fraudster-courted-her-for-months
ມັນມີຄວາມສໍາພັນທີ່ເພີ່ມຂຶ້ນລະຫວ່າງຈິດຕະວິທະຍາມະນຸດແລະເຕັກໂນໂລຢີ ເມື່ອເວົ້າເຖິງການຫຼອກລວງຕ່າງ, ການຫຼອກລໍ້ອ່ອຍເຍື່ອໃຫ້ຕິດກັບທາງອອນລາຍ, ແລະການລັກຂໍ້ມູນບັດລະບຸຕົວຕົນ. ເທັກໂນໂລຢີສາມາດຄວບຄຸມ ແລະ ປ້ອງກັນໄດ້, ແຕ່ຊີວະສາດແລະສະຫມອງສາມາດຕອບສະຫນອງ ຕໍ່ເຫດການສະເພາະໃດຫນຶ່ງທາງອາລົມ. ອາຊະຍາກອນທາງໄຊເບີ ຮູ້ຈັກແລະສວຍໃຊ້ 'ການຕອບສະໜອງທາງອາລົມ' ເຫຼົ່ານີ້ເພື່ອຂູດຮີດເອົາປຽບຜູ້ເຄາະຮ້າຍທັງທາງການເງິນແລະທາງອາລົມ.
ເມື່ອໃຜບາງຄົນຕົກເປັນຜູ້ເຄາະຮ້າຍ ຫຼາຍຄົນອາດຈະຄິດວ່າ ຄືບໍ່ມີຄວາມຮັບຜິດຊອບແທ້, ຄົນຫນຶ່ງຈະຕົກເປັນຜູ້ເຄາະຮ້າຍໄດ້ແນວໃດ ໃນເມື່ອມັນເປັນສິ່ງທີ່ເຫັນໄດ້ຢ່າງຊັດເຈນປານນັ້ນ?' ແຕ່ 'ການຖືກຕົວະຍົວະຫຼອກລວງໃຫ້ອັບອາຍ' ແມ່ນສ່ວນຫນຶ່ງຂອງບັນຫາ ທີ່ວ່າເປັນຫຍັງການຮັບຮູ້ເຖິງຄວາມປອດໄພທາງອິນເຕີແນັດແມ່ນຊັກຊ້າຫຼ້າຫຼັງ ຂະນະທີ່ຄວາມສໍາເລັດຂອງນັກອາຊະຍາກອນທາງໄຊເບີທັງຫຼາຍມີອັດຕາທີ່ວ່ອງໄວ.
ການຕົວະຍົວະຫຼອກລວງໃຫ້ອັບອາຍ ບໍ່ເປັນປະໂຫຍດຢ່າງຍິ່ງ ໃນການຕອບໂຕ້ຕໍ່ເຫດການທີ່ເກີດຂຶ້ນເຫຼົ່ານີ້. ມັນເຮັດໃຫ້ປະຊາຊົນທໍ້ຖອຍໃຈ ໃນການແບ່ງປັນເຫດການ ຫລ້າສຸດກ່ຽວກັບເຕັກນິກແລະຍຸດທະສາດທີ່ໃຊ້ໂດຍອາຊະຍາກອນທາງໄຊເບີ. ໃນຂະນະທີ່ໄພຂົ່ມຂູ່ດ້ານຄວາມປອດໄພທາງໄຊເບີມີການຂະຫຍາຍຕົວ, ມັນມີຄວາມຈໍາເປັນຢ່າງຮີບດ່ວນຫຼາຍໃນການແບ່ງປັນຂໍ້ມູນໃຫ້ທັນສະພາບ.
ໃນປີ 2009, ການຕົວະຍົວະຫຼອກລວງໃຫ້ອັບອາຍໄດ້ຖືກນຳສະເໜີຢູ່ທີ່ກອງປະຊຸມຄະນະກໍາມະການຂອງລັດຖະບານກ່ຽວກັບຫົວຂໍ້ຄວາມປອດໄພທາງດ້ານຂໍ້ມູນ. ຜູ້ອອກກົດຫມາຍໄດ້ຕັ້ງຂໍ້ສົງໄສຕໍ່ຄະນະຮັກສາຄວາມປອດໄພທາງໄຊເບີວ່າ ມັນຈະບໍ່ສາມາດພັດທະນາເຕັກໂນໂລຢີທີ່ປ້ອງກັນາຄວາມສ່ຽງດ້ານຄວາມປອດໄພຕ່າງໆໄດ້ແນວໃດ. ຊຶ່ງຄະນະຕອບດ້ວຍຄວາມເຄົາລົບວ່າ ບໍ່ມີເຕັກໂນໂລຢີໃດໃນໂລກສາມາດປ້ອງກັນບໍ່ໃຫ້ນິ້ວມືຂອງບຸກຄົນກົດໄສ່ປຸ່ມໃນແປ້ນພິມໄດ້.
ຂະນະທີ່ອັດຕາການໃຊ້ອິນເຕີເນັດແມ່ນເພີ່ມຂຶ້ນໃນທົ່ວໂລກ ເຫດການຕົວະຍົວະສໍ້ໂກງຕ່າງໆທາງອິນເຕີເນັດເກີດຂຶ້ນໃນເວລານີ້ຫຼາຍກວ່າທີ່ເຄີຍມີມາ. ເພາະແບບນີ້, ມັນກໍ່ບໍ່ສົມເຫດສົມຜົນປ່ານໃດທີ່ຈະຄາດຫວັງໃຫ້ທຸກຄົນມີຄວາມຕື່ນຕົວ 100% ແລະ ຕະຫຼອດ24ຊົ່ວໂມງທຸກມື້. ແຕ່ວ່າມັນມີຄວາມຈໍາເປັນທີ່ຈະຕ້ອງເຂົ້າໃຈວ່າຜູ້ຄົນທີ່ຕົກເປັນຜູ້ເຄາະຮ້າຍຂອງເຫດການເຫຼົ່ານີ້ໄດ້ແນວໃດ ນັ້ນກໍ່ເພື່ອຮຽນຮູ້, ຕອບສະຫນອງ ແລະປ້ອງກັນບໍ່ໃຫ້ເກີດຂື້ນໃນອະນາຄົດ. ບໍ່ຄວນມີບ່ອນຫວ່າງໃຫ້ແກ່ 'ການຕົວະຍົວະຫຼອກລວງໃຫ້ອັບອາຍ' ເພື່ອສົ່ງເສີມຄວາມປອດໄພທາງໂລກອິນເຕີເນັດ.
ຖ້າຫາກວ່າພວກເຮົາຄາດຫວັງແທ້ໆທີ່ຈະປົກປ້ອງຕົວເອງ ແລະຜູ້ຄົນທີ່ເຮົາຮູ້ຈັກ, ພວກເຮົາຕ້ອງແບ່ງປັນປະສົບການຂອງເຮົາ.
ໃຜໆກໍ່ສາມາດຕົກເປັນຜູ້ເຄາະຮ້າຍໄດ້! ເຖິງຢ່າງໃດກໍ່ຕາມດ້ວຍການປະຕິບັດແລະສັງເກດສັນຍານອັນຕະລາຍຕ່າງໆ ທ່ານສາມາດປ້ອງກັນການໂຈມຕີຕົວະຍົວະຫລອກລວງທາງອອນລາຍໄດ້. ສຶກສາຮຽນຮູ້ເພີ່ມເຕີມກ່ຽວກັບ ການຕົວະຍົວະຫຼອກລວງຕ່າງໆ, ການຫຼອກລໍ້ອ່ອຍເຍື່ອໃຫ້ຕິດກັບທາງອອນລາຍ, ແລະການລັກຂໍ້ມູນບັດລະບຸຕົວຕົນ ໃນເຂດອາຊີຕາເວັນອອກສຽງໃຕ້ ກະລຸນາຢ້ຽມຢາມທີ່ UNODC website.
ແຫຼ່ງຂໍ້ມູນ:
https://www.itweb.co.za/content/8OKdWMDYwrGqbznQ
https://www.aarp.org/money/scams-fraud/info-2022/victim-blaming.html
ນັກຫລອກລວງຜ່ານການກຸສົນອາໃສສວຍໃຊ້ປະໂຫຍດຈາກບຸກຄົນທີ່ປາຖະຫນາບໍລິຈາກເງິນແກ່ຜູ້ຕ້ອງການແທ້ໆ. ກໍລະນີເຫລົ່ານີ້,ຄວາມເອື້ອເຟື້ອເພື່ອແຜ່ແລະຄວາມເມດຕາສົງສານຂອງຜູ້ເຄາະຮ້າຍແມ່ນຖືກເອົາປຽບ. ອາສະຍາກອນທັງຫຼາຍຈະລັກເອົາເງິນຂອງທ່ານໂດຍການວາງຕົວເປັນນັກການກຸສົນທີ່ແທ້ຈິງ. ບໍ່ພຽງແຕ່ອີເມວຫຼອກລໍ້ອ່ອຍເຍື່ອໃຫ້ຕິດກັບເຫຼົ່ານີ້ ທີ່ສົ່ງຜົນກະທົບຕໍ່ເງິນເກັບສະສົມຂອງຜູ້ເຄາະຮ້າຍ, ແຕ່ພວກເຂົາຍັງໄດ້ບິດເບືອນເງິນບໍລິຈາກທີ່ຈຳເປັນຫລາຍ ໄປຈາກອົງການໃຈບຸນ ແລະສາເຫດທີ່ແທ້ຈິງອີກດ້ວຍ.
ນັກຫຼອງລວງຜ່ານການກຸສົນປອມຕ່າງໆ ມີໃຫ້ເຫັນຕະຫຼອດປີແລະມັກຈະອ້າງວ່າສະຫນັບສະຫນູນໄພພິບັດຫຼືເຫດການສຸກເສີນແທ້ເຊັ່ນ: ໄພນໍ້າຖ້ວມແລະແຜ່ນດິນໄຫວ. ສິ່ງນີ້ອາດຈະລວມເອົາການກຸສົນທີ່ດໍາເນີນການຄົ້ນຄວ້າທາງການແພດຫຼືສະຫນັບສະຫນູນຄົນເຈັບທີ່ເປັນພະຍາດແລະຄອບຄົວຂອງຄົນເຈັບເຫຼົ່ານັ້ນ. ອາຊະຍາກອນອາດຈະປອມຕົນເອງເປັນບຸກຄົນທີ່ຕ້ອງການ ການບໍລິຈາກເພື່ອແກ້ບັນຫາດ້ານສຸຂະພາບຫຼືຄວາມຕ້ອງການອື່ນໆ.
ໃນປະເທດສິງກະໂປ, ສາທາລະນະຊົນ ຕົກໃຈເມື່ອເວັບໄຊການກຸສົນ ທີ່ມີຊື່ສຽງແຫ່ງໜຶ່ງ ໄດ້ຖືກຕັ້ງສະຖານະຢ່າງຕໍ່ເນື່ອງວ່າເປັນການສົ່ງອີເມວເພື່ອຫຼອກລໍ້ອ່ອຍເຍື່ອໃຫ້ຕິດກັບ. ເຈົ້າຫນ້າທີ່ລັດຖະບານໄດ້ເຕືອນປະຊາຊົນ ບໍ່ໃຫ້ມອບຂໍ້ມູນບັດເຄຣດິດແລະລາຍລະອຽດສ່ວນຕົວໃດໆໃຫ້ແກ່ຜູ້ແອບອ້າງ. ເຫດການດັ່ງກ່າວໄດ້ສ້າງຄວາມເສຍຫາຍອັນໃຫຍ່ຫຼວງໃຫ້ແກ່ອົງການໃຈບຸນເປັນຮ້ອຍໆ ທີ່ມີຊື່ສຽງ ເພື່ອລະດົມທຶນ, ສ້າງຄວາມສົງໄສໃຫ້ແກ່ຜູ້ບໍລິຈາກ ແລະ ຜູ້ໃຫ້ບໍລິຈາກທີ່ໃຈບຸນທັງຫລາຍ. ການແຈ້ງເຕືອນການຫລອກລວງ ໄດ້ເກີດຂຶ້ນຫລັງຈາກໄດ້ຮັບເງິນບໍລິຈາກຫຼາຍທີ່ສຸດທີ່ເຄີຍບັນທຶກໄວ້ເມື່ອປີຜ່ານມາ.
ການກຸສົນປອມຕ່າງໆ ດໍາເນີນງານໃນຫລາຍວິທີທາງ. ອາຊະຍາອນອາດຈະສ້າງເວັບໄຊປອມທີ່ເບິ່ງຄືການກຸສົນແທ້ ໃນຂະນະທີ່ອາຊະຍາກອນອີກບາງຄົນຈະໂທຫາຫຼືອີເມວຫາຜູ້ເຄາະຮ້າຍເພື່ອຂໍບໍລິຈາກ. ອາຊະຍາກອນເຫຼົ່ານີ້ອາດຈະເຮັດໃຫ້ຜູ້ຄົນທີ່ເປັນເປົ້າຫມາຍຮູ້ສຶກກົດດັນ ຖ້າຫາກພວກເຂົາບໍ່ຢາກບໍລິຈາກ. ອາຊະຍາກອນອາດຈະຫຼິ້ນກັບຄວາມຮູ້ສຶກຂອງທ່ານໂດຍອ້າງວ່າຊ່ວຍເດັກນ້ອຍທີ່ເຈັບປ່ວຍ. ແລ້ວທ່ານເດປອດໄພບໍ່?
ສຶກສາຮຽນຮູ້ເພີ່ມເຕີມກ່ຽວກັບ ການຕົວະຍົວະຫຼອກລວງຕ່າງໆ, ການຫຼອກລໍ້ອ່ອຍເຍື່ອໃຫ້ຕິດກັບທາງອອນລາຍ, ແລະການລັກຂໍ້ມູນບັດລະບຸຕົວຕົນ ໃນເຂດອາຊີຕາເວັນອອກສຽງໃຕ້ ກະລຸນາຢ້ຽມຢາມທີ່ UNODC website.
ແຫຼ່ງຂໍ້ມູນ:
https://www.scamwatch.gov.au/types-of-scams/fake-charities
https://www.straitstimes.com/singapore/charity-platform-givingsg-alerts-public-to-phishing-emails
